Məhəmmədağa Şaxtaxtlı. taleyi və sənəti (məqalələr). Tərt.: İ.Həbibbəyli. Bakı, "Nurlan", 2008, 166 səh.
Kitabda toplanmış məqalələrdə Azərbaycan ədəbi-maarifçi və ictimai-siyasi fikrinin görkəmli nümayəndəsi Məhəmmədağa Şaxtaxtlının (1846-1931) keşməkeşli ömür yolundan və çoxcəhətli fəaliyyətindən bəhs edilir.

Arzumanlı V., Baxşəliyeva X. Türk dünyası və "Böyük Ermənistan xülyası". Bakı, "CBS" mətbəəsi, 2008, 240 səh.
Bu kitabda günümüzə qədər yazılmış bir çox əsərlərdən, tarixi faktlardan, arxiv sənədlərindən istifadə etməklə müəlliflər zaman-zaman ermənilərin türklərə qarşı yönəltdiyi məkrli planlarını, təcavüzlərini diqqətə çatdırırlar.

Pedaqoji biblioqrafiya. Tərt.: A.Mehrabov, Y.Kərimov. Bakı, "Mütərcim", 2008, 348 səh.
Biblioqrafiyada Azərbaycan Respublikasının Təhsil Problemləri İnstitutunda bu gün fəaliyyət göstərən alimlərin monoqrafiyaları, kitab və kitabçaları, proqramları, dərslik və dərs vəsaitləri, toplularda, jurnallarda çap edilmiş məqalələri əhatə olunmuşdur.

Cəlaloğlu E. Bu köç hara gedir?... Bakı, "Nurlan", 2007, 232 səh.
Bu köç hara gedir?... kitabı Elbəyi Cəlaloğlunun ikinci kitabıdır. Kitabda şairin son illərdə yazdığı şeirlər və poemalar toplanmışdır.

Prezident İlham Əliyev və mədəniyyət: Təbriklər. Qanunlar. Fərmanlar. Sərəncamlar. 2003-2005. Bakı, "İdeal-Print", 2008, 536 səh.

Məmmədov N. Qızılgül nəğməsi. Bakı, "Ziya-Nurlan", 2008, 552 səh.
Bu əsərdə Azərbaycan və bolqar xalqlarının mədəni əlaqələrindən söz açılır, əsas etibarı ilə 1944-70-ci illər ərzində şair və yazıçılarımızın yaratdıqları əsərlər əsasında iki xalqın milli ədəbi xəzinəsinin qarşılıqlı zənginləşməsi prosesi haqqında danışılır.

Ağabəyov S.S., Ağabəyov Y.Ə. Ağabəylilər. Bakı, Kitab klubu, 2008, 248 səh.
Kitabda Salyanın Kür qaraqaşlı kəndinin əsasını qoyan Ağabəylilər nəslindən, bu nəslin Azərbaycan xalqına bəxş etdiyi igid oğullarından, istedadlı sənətkarlarından, görkəmli elm, incəsənət xadimlərindən və nəhayət sadə, zəhmətkeş övladlarından bəhs edilir.

Karaman Erdal. Qarabağım Qarabağım... Bakı, "Nurlar", 2008, 272 səh.
Kitabda Qarabağla bağlı duyğularını dilə gətirən hər şairin əsəri dəyərləndirməyə çalışıldı. Şeirlərin bir çoxu şairləri ziyarət edilməklə özlərindən alındı. Digər şeirlər isə şeir kitablarından və Azərbaycanın ən əsas ədəbiyyat jurnalları olan "Ulduz" və "Azərbaycan"dan seçildi.

Əlizadə Z., İbrahimov N. Şəki ipəyi uzaq karvan yollarında. Bakı, "Nfta-Press", 2008, 254 səh.
Əsərdə diqqəti cəlb edən mühüm cəhətlərdən biri də elmi ədəbiyyatda ilk dəfə olaraq folklorda ipəkçilik mövzusuna geniş yer verilməsidir. Bu dəyərli araşdırmanın gəldiyi başlıca nəticələrindən biri də iqtisadi baxımdan çox gəlirli təsərrüfat sahəsi olan ipəkçiliyin yurdumuzda bərpasının zəruriliyi fikridir.

Müzəffər Şükür Məchul. Türk divanı. Bakı, "Azərnəşr", 2007, 720 səh.
Bu kitab haqq, ədalət, Allah yolunda çalınmış gerçək bir qələmin məhsuludur. Oxuculara təqdim olunan bu əsər 1996-cı ildə Azərnəşr tərəfindən çap olunmuş "Divan"ın müəllif tərəfindən yenidən tərtib edilib çapa hazırlanmış və təkmilləşdirilmiş ikinci nəşridir.

K.Məmmədova. Kitabxanalarda ödənişli xidmətlərin təşkili: təşkilati-metodiki və normativ-texnoloji sənədlər. Bakı, MEK, 2008, 120 səh.
Bu vəsait oxuculara xidmət göstərən və onun keyfiyyətini yüksəltməyə çalışan hər bir kitabxana əməkdaşları üçün əhəmiyyətli ola bilər. Metodik vəsaitdə ödənişli xidmətlərin təşkili üzrə metodiki və normativ-texnoloji məlumat sənədləri toplanmışdır.

Babayev M., Qurbanov E. Məntiqlə düşün. Bakı, 2008, 100 səh.
Bu kitab məktəbdə və məktəbdən kənar iş üçün şagirdlərə, müəllimlərə və valideynlərə ünvanlanmışdır. O, yaşından asılı olmayaraq məntiqlə düşünməyə və düzgün qərar qəbul etməyə üstünlük verən bütün insanlar üçün faydalıdır.

Əliyev Heydər: Müstəqilliyimiz əbədidir. Bakı, "Azərnəşr", 2007, 480 səh.
Kitabda ölkəmizin rəhbərinin dünyanın görkəmli dövlət başçıları və ictimai xadimləri, beynəlxalq təşkilatların rəhbərləri ilə apardığı danışıqların, keçirdiyi görüşlərin materialları da öz əksini tapmışdır. Burada, eyni zamanda, ulu öndərin ölkədaxili ictimai-siyasi fəaliyyətinə, çoxsaylı xarici səfərlərinə və görüşlərinə dair materiallar da verilmişdir.

Azərbaycan ədəbiyyatı tarixi. Altı cilddə. I cild (şifahi xalq ədəbiyyatı), Bakı, "Elm", 2004, 760 səh.
Çoxcildlik "Azərbaycan ədəbiyyatı tarixi"nin oxuculara təqdim olunan birinci cildi mənəvi mədəniyyətimizin mühüm bir qolunu təşkil edən şifahi xalq ədəbiyyatının tarixi-semantik səciyyəısini, strukturunu, janr təkamülünü, folklor mətnlərinin ideya-estetik məziyyətlərini əks etdirir.

Mirzə İbrahimov: müasirlərinin xatirələrində. Bakı, "Elm", 2008, 560 səh.
Kitab görkəmli ictimai xadim, xalq yazıçısı və ədəbiyyatşünas alim Mirzı İbrahimovun həyat və yaradıcılığından bəhs edir. Burada verilmiş çoxsaylı şəkillər və onu yaxından tanıyanların xatirələri XX əsr Azərbaycan Ədəbiyyatının bünövrəsini qoyanlardan biri olan Mirzə İbrahimovun keçdiyi çətin və şərəfli ömür yolunu dolğun əks etdirir.

Allahmanlı M. Aşıq Ömərin yaradıcılığı (türk şeir ənənəsi əsasında). ADPU-nun nəşriyyatı, Bakı, 2008, 194 səh.
Kitabda krım-tatar ədəbiyyatının görkəmli nümayəndəsi Aşıq Ömərin yaradıcılığı türk və Şərq xalqları ədəbiyyatı kontekstində araşdırılır. Ustadın bir el sənətkarı, aşıq kimi həyatının müxtəlif məqamlarına diqqət yetirilir. Həm klassik, həm də xalq şeiri üslubunda yazdığı şeirləri ənənə və özünəməxsusluq spektrində təhlil olunur.

Nərimanov V.Ə. "Cihaz elementlərinin hazırlanma texnologiyası". Ali texniki məktəblər üçün dərslik. Bakı, 2008, 402 səh.
Dərslikdə cihazqayırmada istifadə olunan müasir emal üsulları: detalların plastik kütlədən və ovuntu metallurgiyasından hazırlanması, materialların kimyəvi, elektrokimyəvi və elektrofiziki emalı, örtükləri, hazırlanma texnologiyaları və bunlarla əlaqədar problemlər şərh olunmuşdur.

Röfət Quliyev. Akademik Həsən Abdullayev. Bakı, "Azərbaycan", 2008, 376 səh.
Kitabda Akademik Həsən Abdullayevi yaxından tanıyanların - həmkarları və yetirmələri, dostlarının xatirələrinə yer verilmişdir. Akademik H.Abdullayevin əsərlərinin biblioqrafiyası tam şəkildə verilmişdir.

Naxçıvan abidələri ensiklopediyası. Naxçıvan, "Azərbaycan", 2008, 522 səh.
Ensiklopediyada Naxçıvan muxtar Respublikası ərazisində olan dünya və ölkə əhəmiyyətli tarixi, arxeoloji, mədəniyyət, memarlıq, təbiət abidələrindən, körpü, qala, ziyarətgah və yaşayış yerlərindən bəhs edilir. Ensiklopediyada 600-ə yaxın məqalə dərc edilmiş, 806 şəkil, 21 sxem, 5 xəritə, maddi-mədəniyyət nümunələrinin şəkilləri, şərti işarələr və ixtisarlar verilmişdir.

Əliyev S.C., Əliyev M.X. Patoloji fiziologiyadan Atlas. Dərslik. Bakı, "Azərbaycan", 2008, 472 səh.
Atlas potoloji fiziologiya fənninin tədris proqramına uyğun tərtib edilmişdir və tibb universitetlərinin tələbələri üçün nəzərdə tutulur. Mövzular əyani materiallar- sxem, cədvəl, alqoritm, fotoqrafiya və s. formlarada təqdim edilir.

Türk əlyamaları kataloqu. I cild. Folklor abidələri və müəllifsiz əlyazmalar. Bakı, "Elm", 2007, 220 səh.
Türk əlyazmalarının kataloqunun I cildi Azərbaycan MEA Məhəmməd Füzuli adına Əlyazmalar İnstitutunda mühafizə edilən türkdilli folklor abidələrinin və şifahi xalq ədəbiyyatının təsiri altında, eləcə də dini-mifoloji təfəkkürün məhsulu kimi qələmə alınmış müəllifi məlum olmayan əlyazmaların elmi-paleoqrafik təsvirini əhatə edir.

Əski çap kitabları kataloqu. I cild. Türkdilli kitablar. Bakı, "Nurlan", 2008, 250 səh.
Kataloqda AMEA Məhəmməd Füzuli adına Əlyazmalar İnstitutunda mühafizə edilən türkdilli əski çap kitablarının elmi-paleoqrafik təsviri verilmişdir.

Haşımov Q.B. Cihaz elementlərinin hazırlanma texnologiyası. Bakı, "Təhsil" NPM, 2007, 338 səh.
Dərslik Universitetlərin maşınqayırma, cihazqayırma və metallurgiya ixtisasları üzrə təhsil alan bakalavrlar, magistrlə, eyni zamanda istehsalatda çalışan mühəndis-texniki işçilər üçün nəzərdə tutulmuşdur.

Əlimirzəyev X. Ədəbiyyatşünaslığın elmi-nəzəri əsasları. Bakı, "Nurlan", 2008, 432 səh.
Kitabda ədəbiyyatın və onun tərkib hissəsi olan ədəbiyyat nəzəriyyəsinin mövzusu, predmeti, tədqiqat obyekti, əsas sahələri, ədəbiyyatın, sənətin idrakı-tərbiyəvi əhəmiyyəti, ədəbiyyatda tipilik, xəlqilik, millilik, bəşərilik, məzmun və forma, bədii əsərlərin dili, ədəbi növlər və janrlar, lirik növ, Azərbaycan şeirinin vəznləri, epik dramatik növ və onların janrları elmi faktlar əsasında araşdırılır, izah və təhlil olunur.

Kazımlı X.H. Böyük siyasətin davamı. I cild (çoxcildli). Bakı, "Nurlar" NPM, 2007, 768 səh.
Çoxcildli nəşrdə Azərbaycan xalqının ümummilli lideri Heydər Əliyevin müəyyən etdiyi vahid siyasi və iqtisadi strategiyanın uğurları, onun yaradıcılıqla davam etdirilməsi yönümündə Azərbaycan Respublikasının Prezidenti İlham Əliyevin mərhələ-mərhələ reallaşdırdığı düşünülmüş taktiki gedişlər geniş səpkidə işıqlandırılır.

Qarabağ dünən, bu gün və sabah. Bakı, Qanun, 2008, 264 səh.
Buraxılış Azərbaycan-Ermənistan müharibəsi ilə əlaqədar 2008-ci il mayın 22-də keçirilən "Qarabağ dünən, bu gün və sabah" 7-ci elmi-əməli konfransının məruzə və çıxışlarının materiallarını əhatə edir.

Şəffafqlığın artırılması və korrupsiyaya qarşı mübarizədənəzarətin rolu və əhəmiyyəti. Bakı, "İqtisadiyyat və audit" jurnalının nəşri, 2008, 372 səh.
Kitabda Beynəlxalq elmi-praktik konfransın materialları təqdim edilmişdir.

Hüseynov R. Əbədi Cavid. Bakı, Nurlan, 2007, 840 səh.
Azərbaycanın mütəfəkkir şairi və dramaturqu, milli poetik teatrımızın yaradıcısı Hüseyn Cavidin (1882-1941) keşməkeşli həyatı və zəngin poetik irsi təqdim olunan kitabda yeni görüm bucağından araşdırılır.

Akademik Murtuza Nağıyev. Həyat yolu- “fəlsəfə daşı”nın axtarışında (anadan olmasını yüzilliyinə). Bakı, Elm, 2008, 640 səh.
Oxuculara təqdim olunan bu toplu görkəmli alim, kimyaçı-texnoloq, hərtərəfli istedada malik insan, elm təşkilatçısı, gənclərin müəllimi, kimya və kimya texnologiyası sahəsində fundamental işlərin müəllifi, “resirkulyasiya nəzəriyyəsi”nin yaradıcısı, Sosialist Əməyi Qəhrəmanı, akademik M. F. Nağıyevin anadan olmasının 100-illiyinə həsr olunmuşdur.

Aydın Mirzəzadə. Azərbaycan, zaman, inkişaf. Bakı, “Azərbaycan” nəşriyyatı, 2008- 608 səh.
Kitabda toplanmış məqalələrdə Prezident İlham Əliyevin fəaliyyəti dövründə Azərbaycan Respublikasında gedən inkişaf politoloji araşdırılması verilmişdir.

Aslan Bayramov. “Kitabi-Dədə Qorqud”toponimləri və Qafqaz arealı.
Əsərdə “Kitabi-Dədə Qorqud”dastanındakı toponim, oykonim, oronim və hidronimlərin Qafqazda işlənmə arealı, yaranma və formalaşma xüsusiyyətləri, onların leksik-semantik və qrammatik mənaları geniş aspektdə təhlil olunur, coğrafi obyekt kimi növü göstərilir. Bunlardan başqa. “Kitabi-Dədə Qorqud”daəks olunan onomastik vahidlərdən(antroponim, etnonim, onqon anlayışlı zoonim, titul bildirən sözlər və s.) törənən toponimlər, eləcə də oykonim, oronim və hidronimlərin törəmə yolları həm tarixi linqvistik, həm də xalqımızın mifik görüşləri və inancları ilə bağlı olaraq tədqiq edilir, yer-yurd adlarının coğrafiyası lokalizə olunur.

Müstəqil Ağayev. XX əsr Azərbaycan ictimai və fəlsəfi fikirində din problemi. Bakı, “Nurlan”, 2008, 167səh.
Monoqrafiyada Sovet hakimiyyəti qurulana qədər Azərbaycanın ictimai,iqtisadi, mədəni həyatının durumu, dinə münasibət və Sovet hakimiyyəti qurulduqdan sonra ölkənin sosializm quruculuğu yoluna qədəm qoyması ilə bütün fəaliyyət sahələrində əmələ gələn canlanma, inkişaf, tərəqqi, habelə dinə qarşı mübarizənin başlanması, müsəlmanların başına gətirilən müsibətlər, din əleyhinə mübarizədə Azərbaycan filosoflarının fəal iştırakı və nəhayət, Sovet hökumətinin süqutundan sonra baş verən hadisələr haqqında danışılır

“Kitabi-Oğuznamei-türki və tatarca zərbi-məsəldir”. Bakı: Nurlan, 2008, 85-83s.
“Kitabi-Oğuznamei-türki və tatarca zərbi-məsəldir” əlyazması Almaniyada Berlin Dövlət Kitabxanasında saxlanılır. Dörd minə yaxın atalar misalını əhatə edən bu abidədən XIX əsrin əvvəlində alman alimi Dits cəmi 400 misalı oxuyub çap etdirə bilmişdir. Mətn çox mürəkkəb və anlaşılmazdır.

Şükufə İsmayılzadə. Genosid qurbanları. Bakı, “Nurlan”, 2008. 140 səh.

Xəlil Əliyev. 40-cı otaqdakı tilsimlərin açarları (Borçalı, Axısqa, Qazax toponimləri) Gəncə, “Elm” nəşriyatı, 2008. 300 səh.
Dosent X.H. Əliyevin oxuculara təqdim edilən bu kitabı uzun illər apardığı elmi araşdırmaların bəhrəsidir. Monoqrafiyada Qafqazda türk tayfalarının məskunlaşma tarixi, qədim toponimlərin yaranması və formalaşması yolları, mənşəyi izah edilir.

Nəsir Əhmədli. “Korifeylərin portretləri”, “Nurlan”, nəşriyyatı. Bakı, 2008, 289 s.
Kitabda Aristoteldən üzü bəri müxtəlif dövrlərdə yaşamış bir sıra elm, ədəbiyyat, incəsənət, siyasət, din xadimləri haqqında portret-oçerklər (esselər), bir neçə müasir ziyalımız barədə publisistik düşüncələr toplanılmışdır.

Nizami Gəncəvi. “Sirlər xəzinəsi”, Gəncə, 2008. 254 s.
“Sirlər xəzinəsi” Nizaminin “Xəmsə”yə daxil olan ilk poemasıdır. Bu poemanın fikir dünyası sahilsiz bir ümman, bu poemanın fikir dünyası sahilsiz bir ümman, sənətkarlığı əlçatmaz bir dünyadır. Şair bu əsərdə kainatın, təbiətin, insan həyatının sirlərindən söhbət açır, insanı dinə, imana, insanlığa çağırır.

Azərbaycan Gömrüyü Mədəni irsin Keşiyində. Bakı, 2007, 186 səh.
Kitabda gömrük orqanlarının qeyd olunan istiqamətlərdəki fəaliyyətini əks etdirən fotoşəkillər və materiallar oxucuların diqqətinə çatdırılır.

Min beş yüz ilin oğuz şeri. Antologiya. II kitab. Bakı, "Azərbaycan" nəşriyyatı, 2000, 1016 səh.
Kitabda XX əsr 20-ci illərdən bəri yazıb yaratmış şairlərin həyat və yaradıcılığı haqqında qısa məlumat və şeirlərindən nümunələr göstərilmişdir.

Dövlət idarəçiliyində varislik, novatorluq və dinamizm. İlham Əliyevin prezidentlik fəaliyyətinin xroniası: rəsmi qəbul və səfərlərinin icmalı (2003-2006). Bakı, "Azərbaycan" nəşriyyatı, 2007, 944 səh.
Kitabda cənab İlham Əliyevin prezidentlik fəaliyyətinin üç illik (2003-2006) xronikası, Prezidentin rəsmi qəbulları, səfərləri və onların şərhi verilmişdir. Kitab müəllimlər, tələbələr, aspirantlar və geniş oxucu kütləsi üçün nəzərdə tutlmuşdur.

H.Əliyev. Ədəbiyyatın yüksək borcu və amalı. Bakı, "Ozan", 2000, 548 səh.
Kitabda ümummilli lider Heydər Əliyev cənablarının 1969-199-cu illərdə yazıçılar qurultaylarında, mötəbər məclislərdə ədəbiyyat, mədəniyyət, sənət haqqında etdiyi nitqlər, məruzələr, çıxışlar xronoloji ardıcıllıqla toplanmılmışdır.

Red. heyətinin sədri İ.H.Əliyev Azərbaycan. Bakı, "Azərbaycan Milli Ensiklopediyası" Elmi Mərkəzi, 2007, 482 səh.
Azərbaycan Milli Ensiklopediyasının "Azərbaycan" cildi bütövlükdə Azərbaycan Respublikasına həsr olunmuşdur. Ölkəmizin dünəni, bu günü: qədim tarixi və müasir həyatı, təbii sərvətləri və geosiyasi mövqeyi, elm, təhsil və mədəniyyət sahələrində nailiyyətləri kitabda öz ifadəsini tapmışdır.

E.Q.Quliyev, Ş.A.Qurbanzadə. FOREKS - Maliyyə Bazarının əlifbası. Türkiyə. İstanbul, 2007, 154 səh.
Kitabda Maliyyə bazarları və xüsusilə Foreks birjasında ticarət fəaliyyətinin əsas prinsipləri və qiymət hərəkətlərinin müxtəlif növ analiz metodları əks olunmuşdur. Kitab müəllifləri uzun illər praktiki təcrübə və elmi araşdırmalar sayəsində sınaqdan keçmiş effektiv birja ticarəti metodlarını texniki və illüstrativ formada oxucuların diqqətinə çatdırmağa çalışmışlar.

M.Rəhimzadə. Allahın eşqiylə. Bakı, "Azərbaycan", 2007, 256 səh.
"Allahın eşqiylə" adlanan və Böyük Allahın eşqi ilə yazılan bu kitab Azərbacan xalqının milli iftixarlarından olan Hacı Zeynalabdin Tağıyevin həyat və fəaliyyətini əks etdirir.

Ə.Saraclı. Azərbaycan yazıçıları cümhuriyyət dönəmində. Bakı, Elm, 2007, 424 səh.
Kitabda sayıb-seçilən və AXC-yə, milli ideologiyanın yaranmasına, yeni həyata ürəkdən xidmət edən bəzi yazarlarımız haqqında ayrıca, portret-oçerk şəklində söhbət açmaq yolu seçilib.

M.Cəfərli. Dastan yaradıcılığı (metodik vəsait). Bakı, Elm, 2007, 108 səh.
Ali məktəblərdə dastan yaradıcılığının tədrisi Azərbaycan xalq ədəbiyyatının öyrədilməsinin xüsusi aktuallıq kəsb edən mühüm və vacib məsələlərindəndir. Bütün bunlar "Dastan yaradıclığı" metodik vəsaitinin meydana çıxmasının nəzəri-metodoloji, elmi-pedaqoji əsaslarını təşkil edir.

N.Şəmsizadə. Azərbaycançılıq. Bakı, "NURLAR" Nəşriyyat-Poliqrafiya Mərkəzi, 2006, 192 səh.
Əsərdə qədim çağlardan günümüzə qədər Azərbaycan xalqının yaşadığı özünüdərk, təfəkkür və dövlətçilik yolu nəzərdən keçirilir.

Fəhmi İ. Bakı tarixindən kollaj. Bakı, Avrasiya press, 2007, 192 səh.
Bu bədii-publisistik roman Bakı tarixinə, etnoqrafiyasına, mədəni irsinə özünəməxsus, subyektiv bir baxışı əks edtirir. Əsər fraqmental roman üslubunda yazılıb, ilk baxışdan bir-biriylə əlaqəsi olmayan, lakin daxili bağlılığı olan fraqmentlərdən ibarətdir.

M.Güləliyev. Böyük Şeytan və ya sonun başlanğıcı. Bakı, Adiloğlu, 2007, 462 səh.
"Böyük Şeytan və ya sonun başlanğıcı" monoqrafiyasında ABŞ imperializminin xarici siyasətinin mahiyyəti və onun Cənubi Qafqaz regionu ölkələrinə, o cümlədən Azərbaycana mənfi təsirləri araşdırılır. Burada ABŞ imperializminin yaratdığı beynəlxalq təhlükəyə və bəşəriyyətin ciddi sınaqlar qarşısında olduğuna işarə edilərək, Azərbaycanın gələcək inkişafının mümkün istiqamətlərini müəyyənləşdirməyə cəhdlər edilir.

Rüstəm S.F. Azərbaycan türk dövlətləri ilə siyasi əlaqələr sistemində (XX əsrin 90-cı illəri). Bakı, Adiloğlu, 2005, 236 səh.
Monoqrafiyada Azərbaycanın türk dövlətləri ilə siyasi əlaqələri tarixşünaslıqda və siyasətşünaslıqda ilk dəfə olaraq kompleks şəkildə elmi-tədqiqat obyekti kimi araşdırılır, müxtəlif faktların toplanması, sistemləşdirilməsi və təhlili əsasında müstəqilliyin ilk on ili ərzində bu əlaqələrin tarixi yazılır.

Azərbaycan Milli Elmlər Akademiyası nəşrlərinin biblioqrafiyası. İllik. 1987. Bakı, Mərkəzi Elmi Kitabxana, 2006, 286 səh.
"Azərbaycan Milli Elmlər Akademiyası nəşrlərinin biblioqrafiyası"na 1987-ci ildə Elmlər Akademiyanın elmi-tədqiqat müəssisələri tərəfidən hazırlanmış və "Elm" nəşriyyatı (hazırda "Elm" Redaksiya-Nəşriyyat və Poliqrafiya Mərkəzi) tərəfindən çap olunmuş, kitab, məcmuə, konfrans materialları, dövri nəşrlər və s. daxil edilmişdir.

Azərbaycan Milli Elmlər Akademiyası nəşrlərinin biblioqrafiyası. İllik. 1985. Bakı, Mərkəzi Elmi Kitabxana, 2006, 266 səh.
"Azərbaycan Milli Elmlər Akademiyası nəşrlərinin biblioqrafiyası"na 1985-ci il ərzində Akademiyanın elmi idarələrinn hazırladığı və "Elm" nəşriyyatı tərəfindən çapdan çıxmış kitab, məcmuə və dövri mətbuat nəşrləri daxil edilmişdir.

Yusifov E.F., İsayeva N.S., Əsgərov F.S. Bioliji müxtəliflik: Abşeron yarımadasının təbiət abidələri Bakı, "Nurlar", Nəşriyyat-Poliqrafiya Mərkəzi, 2007, 424 səh.
Kitabda Abşeron yarımadasının, landşaftı, floristik, geoloji və paleontoloji təbiət abidələri, onların ərazi üzrə paylanması, nadir və nəsli kəsilməkdə olan canlıları haqqında sistemli şəkildə məlumatlar verilmişdir.

M.Hüseynova. Mətnin interpretasiyasında sintaktik-semantik və koqnitiv amillər. Bakı, "Sabah", 2007, 166 səh.
Kitabda müəllifin əsas məqsədi mətnin şərhinin başa düşülməsi prosesinin tam təsvirini vermək və onun bütün mərhələlərini şərh etməkdir. Beləliklə, mətn psixolinqvistikanın obyektinə çevrilmiş olur və bağlılıq, əlaqəlilik deyil, "bütövlük", "tamlıq" ön plana keçir.

Akademik Əşrəf hüseynov. Bakı, "Elm", 2007, 184 səh.
Anadan olmasının 100 illiyi münasibəti ilə nəşr olunan bu kitaba Azərbaycanda riyaziyyat elmnin əsasını qoyan görkəmli alimlərdən biri - akademik Əşrəf Hüseynov haqqında həmkarlarının məqalə və xatirələri, həmçinin bioqrafik məlumatlar daxil edilmişdir.

N.Müseyibli. Böyük Kəsik eneolit dövrü yaşayış məskəni. Bakı, "Nafta-Press", 2007, 228 səh.
Kitab Azərbaycna Respublikasının Ağstafa rayonu ərazisində, BTC neft və CQ qaz kəmərləri dəhlizində yerləşən Böyük Kəsik eneolit dövrü yaşayış məskənində 2004-2005-ci illərdə aparılmış arxeoloji qazıntıların nəticələrinə həsr olunmuşdur.