Aprelin 6-da Mərkəzi Elmi Kitabxanada Rusiya EA-nın Təbiət elmləri kitabxanasından alınan elmi jurnalların sərgisi keçirildi. Sərginin açılışında Mərkəzi Elmi Kitabxananın direktoru, filologiya elmləri namizədi Aybəniz Əliyeva-Kəngərli çıxış edərək qonaqlara yeni jurnallar barədə ətraflı məlumat verdi. Direktor bildirdi ki, Rusiyadan beynəlxalq kitab mübadiləsi yolu ilə alınmış bu nəşrlər öz elmi tutumu, populyarlığı, zəngin tədqiqi materiallara malik olması ilə seçilir. Sərginin ənənəvi hal aldığını deyən A.Əliyeva-Kəngərli gələcəkdə də bu qəbildən olan tədbirlərin davam edəcəyini bildirdi. Sonra sərgi iştirakçıları nümayiş olunan jurnallarla tanış oldular. Məlumat üçün bildirək ki, sərgidə bütün elm sahələrini əhatə edən 155 adda 700 nüsxə jurnal nümayiş olunur. Bununla yanaşı ilk dəfə olaraq dövri mətbuat zalında 1982-ci ildən başlayaraq kitabxanaya daxil olan müxtəlif elmi jurnallar açıq rəf üsulu ilə oxucuların istifadəsinə verilib. Xatırladaq ki, zalın yardımçı fondunda Rusiya EA-nın Təbiət elmləri kitabxanasından 159 adda 85 000-dən artıq jurnal yerləşdirilib.
Sərginin keçirilməsində əsas məqsəd isə alim və tədqiqatçıları Rusiyada nəşr olunan yeni elmi jurnallarla tanış etmək və onlara bu vəsaitlərdən geniş istifadə imkanları verməkdir.
Nümayiş olunaan jurnalların tam siyahısı
Aprelin 6-da Mərkəzi Elmi Kitabxanada Rusiya EA-nın Təbiət elmləri kitabxanasından alınan elmi jurnalların sərgisi keçirildi. Sərginin açılışında Mərkəzi Elmi Kitabxananın direktoru, filologiya elmləri namizədi Aybəniz Əliyeva-Kəngərli çıxış edərək qonaqlara yeni jurnallar barədə ətraflı məlumat verdi. Direktor bildirdi ki, Rusiyadan beynəlxalq kitab mübadiləsi yolu ilə alınmış bu nəşrlər öz elmi tutumu, populyarlığı, zəngin tədqiqi materiallara malik olması ilə seçilir. Sərginin ənənəvi hal aldığını deyən A.Əliyeva-Kəngərli gələcəkdə də bu qəbildən olan tədbirlərin davam edəcəyini bildirdi. Sonra sərgi iştirakçıları nümayiş olunan jurnallarla tanış oldular. Məlumat üçün bildirək ki, sərgidə bütün elm sahələrini əhatə edən 155 adda 700 nüsxə jurnal nümayiş olunur. Bununla yanaşı ilk dəfə olaraq dövri mətbuat zalında 1982-ci ildən başlayaraq kitabxanaya daxil olan müxtəlif elmi jurnallar açıq rəf üsulu ilə oxucuların istifadəsinə verilib. Xatırladaq ki, zalın yardımçı fondunda Rusiya EA-nın Təbiət elmləri kitabxanasından 159 adda 85 000-dən artıq jurnal yerləşdirilib.
Sərginin keçirilməsində əsas məqsəd isə alim və tədqiqatçıları Rusiyada nəşr olunan yeni elmi jurnallarla tanış etmək və onlara bu vəsaitlərdən geniş istifadə imkanları verməkdir.
