07.05.2007

“Heydər Əliyev irsinin tədqiqi və təbliği” mövzusunda təşkil olunan növbəti sərgi-konfrans bugün Rabitə və İnformsiya Texnologiyaları Nazirliyində davam etdirildi. Tədbirdə nazirliyin və AMEA-nın əməkdaşları ilə yanaşı, kütləvi informasiya vasitələrinin nümayəndələri iştirak edirdi. Mərkəzi Elmi Kitabxananın direktoru A.Əliyeva-Kəngərli sərgi-konfransı açıq elan etdi. O bildirdi ki, sərgidə ulu öndər Heydər Əliyevin həyat və fəaliyyətini, zəngin idarəçilik təcrübəsini, onun respublikanın sosial-iqtisadi inkişafı və beynəlxalq aləmdə nüfuzunun artırılması üçün apardığı ardıcıl, məqsədyönlü siyasəti, elm, təhsil, mədəniyyət sahəsindəki xidmətini əks etdirən 500-dən artıq ədəbiyyat nümayiş olunmuşdur. Sərgi-konfrans il boyunca hespublikanın müxtəlif regionlarında, dövlət müssislərində, elm və təhsil ocaqlarında davam etdiriləcəkdir. Sonra Rabitə və informasiya texnologiyaları naziri, akademik Əli Abbasov çıxış edərək bildirdi ki, Azərbaycanın müstəqilliyini əbədi və dönməz edən, böyük siyasi təcrübəyə, zəngin dünyagörüşünə malik ulu öndər Heydər Əliyevin gördüyü əvəzolunmaz işlər danılmazdır. Bu kitabların Heydər Əliyev irsinin tədqiqatçıları üçün əvəzsiz mənbə olduğunu qeyd edən nazir qurumda çalışan gənc mütəxəssisləri gələcək elmi işlərində bu mənbələrdən bəhrələnməyə çağırdı