Ünvanımız:
Bakı şəh., H.Cavid pr.31
Tel: 438-60-17
Kitabxana şənbə və bazar günləri istisna olmaqla hər gün saat 9-dan 17-dək işləyir.
Ehramlarla bağlı növbəti fırıldaq
Qahirədəki “Smart international school” məktəbi üçün uyğunlaşdırılmış dərslikdə deyilir ki, ehramlar yəhudilərin ağır zəhmətinin bəhrəsidir. Tikintidə işləmək istəməyənləri işgəncə ilə edam edirlərmiş. Xronologiyaya fikir verməyən özəl liseyin müəllimi həmin dərslik əsasında mühazirə oxumuşdur.
Lakin tarix və arxeologiyanın siyasət və gündəlik həyatdan ayrı mövcud olmadığı Yaxın Şərqdə belə mövzular ürək ağrısı ilə qəbul edilir. Məsələn, Misirin Qədim Abidələr İşləri üzrə Ali Şurasının baş katibi Zəhi Həvas rəsmi iddia ilə prokurorluğa müraciətində bildirmişdir: “Ehramlardan əlinizi çəkin. Misirin rəmzi olan abidələr son əhəngdaşınadək Misirindir. Ehramları misirlilər ucaltmışlar, bütün deyilənlər yalandır və ölkəyə qarşı təhqirdir”.
Həvas Misirdə çox tanınmış adamdır. O, şahzadə Diana, yaxud Bill Klintonla birgə şəkillərinin və Kleopatra ilə qol-boyun təsvir olunduğu karikaturanın yerləşdirildiyi şəxsi saytında arxeoloji qazıntılardan danışır. Ehramların tikintisində iştirak edənlərin adlarını məhz Həvas açmışdır və bu adların arasında heç bir yəhudi yoxdur.
Görünür, Z.Həvasın iddiaları çox əsaslı olduğu üçün məktəbin direktoru üzr istəyərək, dərsliyi tədris prosesindən çıxaracağını vəd etmişdir.
İsrail arxeoloqu Amitahi Mazar demişdir: “Bu, çox kobud səhvdir. Yəhudilər Misirə ehramlar tikiləndən 700 il sonra gəlmişlər. İsraildə heç kəs bunun əksini iddia etməyəcəkdir”.
Buna bənzər hadisə 1977-ci ildə də baş vermişdi. İsrailin o vaxtkı baş naziri Menahem Begin Qahirədəki Milli Muzeyə getdiyi zaman öz mülahizələrində ciddi səhvə yol vermişdi. Baş nazir Misir alimlərində hiddət doğuran bu səhvə görə üzr istəməli olmuşdu.
Qahirədəki “Smart international school” məktəbi üçün uyğunlaşdırılmış dərslikdə deyilir ki, ehramlar yəhudilərin ağır zəhmətinin bəhrəsidir. Tikintidə işləmək istəməyənləri işgəncə ilə edam edirlərmiş. Xronologiyaya fikir verməyən özəl liseyin müəllimi həmin dərslik əsasında mühazirə oxumuşdur.
Lakin tarix və arxeologiyanın siyasət və gündəlik həyatdan ayrı mövcud olmadığı Yaxın Şərqdə belə mövzular ürək ağrısı ilə qəbul edilir. Məsələn, Misirin Qədim Abidələr İşləri üzrə Ali Şurasının baş katibi Zəhi Həvas rəsmi iddia ilə prokurorluğa müraciətində bildirmişdir: “Ehramlardan əlinizi çəkin. Misirin rəmzi olan abidələr son əhəngdaşınadək Misirindir. Ehramları misirlilər ucaltmışlar, bütün deyilənlər yalandır və ölkəyə qarşı təhqirdir”.
Həvas Misirdə çox tanınmış adamdır. O, şahzadə Diana, yaxud Bill Klintonla birgə şəkillərinin və Kleopatra ilə qol-boyun təsvir olunduğu karikaturanın yerləşdirildiyi şəxsi saytında arxeoloji qazıntılardan danışır. Ehramların tikintisində iştirak edənlərin adlarını məhz Həvas açmışdır və bu adların arasında heç bir yəhudi yoxdur.
Görünür, Z.Həvasın iddiaları çox əsaslı olduğu üçün məktəbin direktoru üzr istəyərək, dərsliyi tədris prosesindən çıxaracağını vəd etmişdir.
İsrail arxeoloqu Amitahi Mazar demişdir: “Bu, çox kobud səhvdir. Yəhudilər Misirə ehramlar tikiləndən 700 il sonra gəlmişlər. İsraildə heç kəs bunun əksini iddia etməyəcəkdir”.
Buna bənzər hadisə 1977-ci ildə də baş vermişdi. İsrailin o vaxtkı baş naziri Menahem Begin Qahirədəki Milli Muzeyə getdiyi zaman öz mülahizələrində ciddi səhvə yol vermişdi. Baş nazir Misir alimlərində hiddət doğuran bu səhvə görə üzr istəməli olmuşdu.
