INTAS-Keçmiş Sovet İttifaqının Yeni Müstəqil Dövlətlərindən olan Alimlərlə Əməkdaşlığa Yardım üzrə Beynəlxalq Assosiasiyadır. Baş ofisi Brüsseldə yerləşir. Mərkəzi Elmi Kitabxana İNTAS-ın
"Kitabxanalar üçün İNTAS" layihəsi çərçivəsində dünyanın bir çox dillərində 7000 adda nəşr vahidini oxucularına təqdim edir
«Azərbaycan Respublikasının Hökuməti və Keçmiş Sovet İttifaqının Yeni Müstəqil Dövlətlərindən olan Alimlərlə Əməkdaşlığa Yardım üzrə Beynəlxalq Assosiasiya (İNTAS) arasında elmi əməkdaşlıq haqqında Saziş"in icrasının təmin edilməsi barədə
Azərbaycan Respublikası Prezidentinin sərəncamı
«Azərbaycan Respublikasının Hökuməti və Keçmiş Sovet İttifaqının Yeni Müstəqil Dövlətlərindən olan Alimlərlə Əməkdaşlığa Yardım üzrə Beynəlxalq Assosiasiya (İNTAS) arasında elmi əməkdaşlıq haqqında Saziş"in təsdiq edilməsi ilə əlaqədar həmin Sazişin icrasını təmin etmək məqsədi ilə qərara alıram:
1. Azərbaycan Respublikasının Nazirlər Kabinetinə tapşırılsın ki, «Azərbaycan Respublikasının Hökuməti və Keçmiş Sovet İttifaqının Yeni Müstəqil Dövlətlərindən olan Alimlərlə Əməkdaşlığa Yardım üzrə Beynəlxalq Assosiasiya (İNTAS) arasında elmi əməkdaşlıq haqqında Saziş"in 4-cü maddəsində nəzərdə tutulmuş Əlaqələndirici Şəxs barədə təkliflərini hazırlayıb 15 gün müddətində Azərbaycan Respublikasının Prezidentinə təqdim etsin.
2. Bu sərəncam imzalandığı gündən qüvvəyə minir.
İlham ƏLİYEV,
Azərbaycan Respublikasının Prezidenti
Bakı şəhəri, 23 mart 2005-ci il
