Bakı Dövlət Universitetinin Kitab­xa­naşünaslıq kafedrasının müdiri, tarix elmləri doktoru, professor, BMT ya­nında İnformasiyalaşdırılma Aka­de­­miyasının akademiki, Əməkdar Elm Xadimi A.A.Xələfov, AMEA-nın müxbir üzvü, İnfor­ma­si­ya Texnologiyaları İnstitutunun di­rek­toru, tex.e.d., professor R.Əliquliyev, AMEA A.A.Bakıxanov adına Tarix Institutunun direktoru, t.e.d., millət vəkili Y.Mahmudov, M.F.Axundov adına Azərbaycan Milli Kitabxanasının direktoru, fəlsəfə doktoru, Əməkdar mədəniyyət işçisi K.M.Tahirov, konfransın əhəmiyyətini bir daha qeyd etdilər. Çıxış edənlər ümumilikdə Azərbaycan kitabxanalarının müasir vəziyyətindən danışaraq, qazanılan uğurlarlarla yanaşı, bir çox problem və çatışmazlıqların da olduğunu dedilər. Konfransın plenar iclasında AMEA Mərkəzi Elmi Kitabxana­sı­nın direktoru, f.e.d. A.Əliyeva-Kəngərli «AMEA-nın Mərkəzi Elmi Kitabxanası müasir in­formasiya məkanında», M.F.Axundov adına Azərbaycan Milli Kitabxanasının direktoru, fəlsəfə doktoru, K.M.Tahirov «Milli Kitabxana: müasir vəziyyəti və inkişaf pers­­pektivləri» mövzularında məruzələrlə çıxış etdilər. Sonra konfrans "Kitabxanaşünaslıq və informasiya» və «Biblioqrafiyaşünaslıq və kitabşünaslıq» seksiyaları üzrə öz işini davam etdirdi. Ümumiyyətlə, konfrans zamanı 30-dan artıq məruzə dinlənildi. Konfrans zamanı kitabxanaşünaslığın, biblioqrafiyaşünaslığın və kitabşünaslığın aktual məsələlərinə aid ədəbiyyat və eyni zamanda konfransın təşkilatçı müəssisələrinin çap məhsullarının geniş sərgisi ənənəvi və virtual formada nümayiş olundu.