Tədbirdə Almaniyanın Azərbaycandakı səfiri cənab Peer Stankina, müxtəlif səfirliklərin nümayəndələri və digər qonaqlar iştirak etmişlər. AMEA-nın Rəyasət Heyətində keçirilən tədbiri giriş sözü ilə açan “Humanitar və içtimai elmlər üzrə akademik katib A.Axundov yüksək qonağı salamlamış, iki ölkə arasında münasibətlərin genişlənməsində belə tədbirlərin keçirilməsinin vacibliyini vurğulamış, bu əlaqələrin gələcəkdə daha da inkişaf edəcəyinə ümidvar olduğunu bildirmişdir. Tədbirdə Almaniyanın Azərbaycandakı səfiri cənab Peer Stankina cıxış etmiş və alman dilli Nobel mükafatçılarından H.Hesse, N.Zaks, H.Böll, G.Qrass, E.Yelinek, E.Konetti, H.Müller haqqında ətraflı məlumat vermişdir. Həmçinin sərgidə MEK-ını direktoru f.e.n. A.Əliyeva-Kəngərli Azərbaycan-Almaniya mədəni əlaqələrinin dərin tarixi kökləri və Nobel mükafatı haqqında məruzə etmişdir. MEK-in Qərbi Avropa ədəbiyyatı şöbəsinin əməkdaşı S.Əliyeva da ədəbiyyat üzrə Nobel laureatları haqqında alman dilində qısa məlumat vermişdir. Sərgidə bu yazıçıların həyat və yaradıcılığı haqqında azərbaycan və alman dillərində mətnli plakatlar və fotoşəkillər və virtual sərgi nümayiş etdirilmişdir. Sərgidə müasir dünya ədəbiyyatına öz töhfəsini vermiş yazıcılardan H.Hessenin “Muncuq oyunu”, N.Zaksın “Ölüm”, H.Böllün “Qatar vaxtında gəldi”, Q.Qrassın “Dəmir baraban”, “Siçovul”, “Kambalık”, “Yerli narkoz”, E.Yelinekin “Sevgililər”, “Ölü uşaqlar”, “Pianoçu” kimi romanları və digər əsərləri nümayiş etdirilmişdir. Ümid edirik ki, belə tədbirlərin kecirilməsi iki ölkə arasında elmi-mədəni əlaqələrin uğurla inkişafına xidmət edəcəkdir.