Millət vəkili, Azərbaycan MEA akademik Z.M.Bün­ya­dov adı­na Şərq­şüna­s­lıq İnstitutunun direktoru, filologiya elmləri dok­toru, pro­fessor Gövhər Baxşəliyevanın «Professor Aida İmanqu­li­ye­vanın Azərbaycan Şərqşünaslıq elminin inkişafın­da rolu» və AMEA-nın müxbir üzvü, fəlsəfə elmləri doktoru,  professor Səlahəddin Xəlilovun «Aida İmanquli­yevanın yara­dıcılığında fəlsəfi və ədəbi-bədii komparativis­tika»  adlı qısa oçerkləri görkəmli şərqşünas alimin möhtəşəm şəxsiy­­yətini, alim qüdrətini oxuculara çatdırır.

 «Görkəmli dövlət, elm və mədəniyyət xadimləri Aida İman­quli­yeva haqqında» bölməsində Azərbaycanın görkəmli alim­ləri – akademiklər: Ağamusa Axundovun, Bəkir Nəbiyev,  Cəmil Quliyev, Teymur Bünya­dov, Abel Məhərrəmov, mər­hum Ziya Bünyadov, Fəraməz Maqsu­dov və başqalarının, eyni zamanda Rusiyanın görkəmli şərqşünas alimləri İ.Y.Bi­lık, A.A.Dolinina, İ.M.Fil­ştinski, A.B.Kudelin vəV.N.Kur­ni­çen­konun ürək sözləri öz əksini tapmışdır.

«Əsərlərinin biblioqrafiyası» bölməsində alimin «Cübran Xəlil Cübran», «Qələm­lər birliyi» və Mixail Nüaymə» və «Yeni ərəb ədə­biy­ya­tının korifeyləri» kitabları, habelə ərəb ədəbiyyatının görkəmli nümayəndələri Mixail Nüaymə, Cübran Xəlil Cüb­ran, Əmin ər-Reyhani, Şühabəddin Yəhya Süh­rə­vərdin, mütə­rəq­qi Livan şairi Mişel Süleyman haqqında çox qiymətli kitab və məqalə­lə­r əks olunub.

Kitabın «Tərcümələri» bölməsində Mixail Nüaymənin «Buz əriyəcək», «İnsan və quş», «Qu-qu» saatı», Mahmud əz-Zahirin «Üsyan», Məhəmməd Dibin «Hasin dermək», Sahib Camalın «Yusif», Süheyl İdrisin «Azadlıq» və Qənəma Məcid Zeyyibin «Növbəyə dayanmaq» və s. alim tərəfindən tərcümə olunan hekayələri  öz əksini tapıb.

Göstəriciyə Aida xanım İmanquli­ye­va­nın redaktə etdiyi əsər­lər, dissertantlara elmi rəhbərliyini əks etdirən bölmələr də daxil edillib. Biblioqrafiyadan istifadəni asanlaşdırmaq məq­sədilə alimin əsərlərinin, müştərək müəlliflərin və haqqında yazan müəlliflərin əlifba göstə­ri­cisi də verilmişdir.