Mərkəzi Elmi Kitabxana

[14.05.2012 ]
E L A N!

15 may saat 11:00-da Mərkəzi Elmi Kitabxanada Ümummilli Lider Heydər Əliyevin anadan olmasının 89-cu ildönümü münasibətilə Türk Akademiyasının türkologiya elminin aktual məsələlərinə həsr olunmuş nəşrlərinin təqdimat mərasimi keçiriləcək.
Ünvan: H.Cavid pr.31. AMEA MEK, II mərtəbə, konfrans zalı

[10.05.2012 ]
MAYIN 8-DƏ MƏRKƏZİ ELMI KİTABXANADA ÜMUMMİLLİ LİDER HEYDƏR ƏLİYEVIN ANADAN OLMASININ 89-CU İLDÖNÜMÜNƏ HƏSR OLUNMUŞ “HEYDƏR ƏLİYEV: MİLLİ MƏDƏNİYYƏT VƏ DÖVLƏTÇİLİK TƏFƏKKÜRÜ” MOVZUSUNDA KONFRANS-SƏRGİ KEÇİRİLDİ

Tədbiri giriş sözü ilə MEK-in direktoru f.e.d. Aybəniz Əliyeva-Kəngərli açdı. O, ulu öndərin Azərbaycan xalqı qarşısında göstərdiyi xidmətlərdən, özündən sonra qoyub getdiyi siyasi, ictimai, mədəni irsdən danışaraq, bu irsin onun layiqli davamçısı Azərbaycan Respublikasının Prezidenti cənab İlham Əliyev tərəfindən uğurla davam etdirildiyini dedi. Sonra AMEA-nın müxbir üzvü Teymur Kərimli “Heydər Əliyev və Azərbaycan ədəbiyyatı”, f.e.d. professor Gülşən Əliyeva “Heydər Əliyevin əbədi irs təlimi Azərbaycançılıq kontekstində” mövzusunda çıxış edərək Azərbaycan mədəniyyətinin, incəsənətinin, ədəbiyyatının, musiqisinin və s. inkişafı, dünya millətləri tərəfindən tanınması və qəbul edilməsi yolundakı yorulmaz fəaliyyətindən danışdılar. Daha sonra t.e.d. Qasım Hacıyev “Heydər Əliyev və Ermənistan-Azərbaycan Dağlıq Qarabağ münaqişəsinin həlli məsələsi” mövzusunda danışaraq bildirdi ki, məhz ümummilli lider Heydər Əliyevin apardığı gərgin və dərin düşünülmüş, qətiyyətli siyasəti nəticəsində Qarabağ probleminin həlli Azərbaycan kontekstindən çıxaraq beynəlxalq problem kimi tanındı və bir çox dünya dövlətləri, beynəlxalq təşkilatlar Azərbaycanın Qarabağ ərazisinin ermənilər tərəfindən işğal olunması faktını təsdiq etdilər. Natiq əmin olduğunu bildirdi ki, onun apardığı bu uğurlu siyasəti davam etdirən cənab İlham Əliyevin fəaliyyəti nəticəsində Qarabağ torpaqları mütləq işğaldan azad ediləcək.
Çıxışlardan sonra tədbir iştirakçıları Ümummilli Liderin həyat və fəaliyyətindən bəhs edən sənədli filmə baxdılar.

[10.05.2012 ]
AKADEMIK ZIYA BÜNYADOVUN 90 İLLİK YUBİLEYİ TƏNTƏNƏLI ŞƏKİLDƏ QEYD OLUNDU

May ayının 7-də AMEA-nın Rəyasət Heyətində görkəmli alim, akademik Ziya Bünyadovun 90 illik yubileyinə həsr olunmuş tədbir keçirildi. Tədbirdə AMEA-nın rəhbərliyi, institut rəhbərləri ilə yanaşı, ölkəmizin tanınmış ziyalıları, rəhbər vəzifəli şəxsləri, həmçinin bir sıra xarici qonaqlar iştirak edirdi. Bu münasibətlə ənənəvi olaraq Mərkəzi Elmi Kitabxana tərəfindən alimin həyat və yaradıcılığını əks etdirən ədəbiyyat və fotoşəkillərdən ibarət geniş sərgi təşkil olunmuşdu. Sərgidə alimin özünün yazmış olduğu və haqqında yazılmış əsərlər, məqalələr və s. ədəbiyyat nümunələri nümayiş etdirilrdi. Belə bir sərginin təşkil olunması keçirilən tədbirin daha da maraqlı olmasını səbəb oldu.

[07.05.2012 ]
MƏRKƏZİ ELMİ KİTABXANADA "QƏDİM ŞUŞA-İŞĞALDAN 20 İL KEÇİR" MÖVZUSUNDA KONFRANS SƏRGİ KEÇİRİLDİ

Tədbiri giriş sözü ilə Mərkəzi Elmi Kitabxananın direktoru f.e.d. Aybəniz Əliyeva-Kəngərli açdı. O, arıq 20 ildir ki Şuşanın mənfur Ermənistan dövləti tərəfindən işğal edildiyini, həm Şuşanın, həm də Azərbaycanın işğal olunmuş bütün ərazilərinin erməni tapdağından azad edisməsi üçün Respublika Prezidenti cənab İlham Əliyevin yorulmadan çalışdığını dedi. Aybəniz xanım hamıya gələcəkdə Şuşanın işğal gününü yox, Şuşanın özündə onun işğaldan azad olunması günlərini qeyd etməyi arzuladı.Sonra tədbirdə iştirak edən AMEA-nın Tarix İnstitutunun "Qarabağ tarixi" şöbəsinin müdiri t.e.d. Qasım Hacıyev çıxış etdi. O, Şuşanın tarixi haqqında danışaraq onun Azərbaycanın qədim tarixə malik şəhərlərindən biri olduğunu olduğunu və inkişaf edərək mədəniyyət, incəsənət, elm mərkəzinə çevrildiyini dedi və buna görə də cənab Prezident İlham Əliyevin apardığı siyasətin nəticəsi olaraq şuşalıların öz tarixi torpaqlarına qayıdacaqlarına əmin olduğunu bildirdi. Tədbirdə iştirak edənlər də çıxış edərək belə bir tədbirin keçirilməsini gənclər arasında vətənpərvərlik hissinin artırılması yolunda atılan addım olduğunu deyərək, bu fəaliyyətinə görə Kitabxanın direktoru Aybəniz xanım başda olmaqla bütün kollektivə minnətdarlıqıarını bildirdilər.Çıxışlardan sonra iştirakçılar sərgiyə baxdılar. Sərgidə Şuşadan bəhs edən 200-dək kitab, jurnal, qəzet, fotoşəkillər və s. nümayiş etdirilirdi. Qeyd edək ki, sərgi 15 gün müddətində davam edəcək.

[25.04.2012 ]
AMEA 2011-Cİ İLİN YEKUNLARINA DAİR HESABAT VERDİ.MƏRKƏZİ ELMİ KİTABXANANIN FƏALİYYƏTİ TƏQDİR OLUNDU

Aprelin 25-də AMEA-da Akademiyanın 2011-ci ilin yekunlarına dair hesabatı keçirildi. Hesabatda AMEA-nın rəhbərliyi, institut rəhbərləri, bir çox əməkdaşları ilə yanaşı, millət vəkilləri və digər dəvət olunmuş qonaqlar iştirak edirdilər. Hesabatı dinləmək üçün AMEA-ya gəlmiş Prezident Adminstrasiyasının rəhbəri cənab Ramiz Mehdiyev əvvəlcə ayrı-ayrılıqda institut və təşkilatların, o cümlədən Mərkəzi Elmi Kitabxananın fəaliyyətini əks etdirən sərgilərlə maraqlandı. Kitabxanın direktoru f.e.d Aybəniz Əliyeva-Kəngərli cənab Ramiz Mehdiyevə 2011-ci il ərzində kitabxanada görülmüş işlər, aparılan fəaliyyət haqqında məlumat verərək, çap olunmuş əsərləri, biblioqrafiyaları, elektron resursları, qazanılmış uğurları əks etdirən əyani vəsaitləri ona təqdim etdi. Cənab R.Mehdiyev görülmüş işlərdən razı qaldığını bildirdi və kitabxana əməkdaşlarına uğurlar dilədi.
Akademiyanin ümumi hesabatında Mərkəzi Elmi Kitabxanın fəaliyyəti yüksək qiymətləndirildi..

[24.04.2012 ]
MƏRKƏZİ ELMİ KİTABXANADA OFTALMOLOQ ALİM, AKADEMİK ZƏRİFƏ ƏLİYEVANIN ANADAN OLMASININ 89-CU İLDÖNÜMÜNƏ HƏSR OLUNMUŞ KONFRANS-SƏRGİ KEÇİRİLDİ

Tədbiri giriş sözü ilə açan AMEA Mərkəzi Elmi Kitabxanasının direktoru f.e.d. Aybəniz Əliyeva-Kəngərli akademik Zərifə xanım Əliyevanı Azərbaycanın ən görkəmli qadınları ilə bir sıraya qoyaraq, onun intellektual keyfiyyətləri özündə birləşdirən alim, böyük elmi axtarışlarla dolu ömür yolu keçmiş ictimai xadim, yüksək mənəvi keyfiyyətləri qoruyan görkəmli həkim, gözəl ana, vəfalı ömür gün yoldaşı kimi rəğbət qazandığını dedi. İnsanlara olan humanizm duyğusunu seçdiyi peşəsində xüsusilə əks etdirdiyini vurğulayan Aybəniz xanım Zərifə xanım Əliyevanın göz həkimi kimi insanlara nur bəxş etməsini tarixin ona böyük tale və missiya olaraq verdiyini söylədi.
Sonra çıxış edən f.e.d., professor Gülşən Əliyeva İridologoya elminin banisi, akademik Zərifə Əliyevanın alim kimi qazandığı böyük uğurların Azərbaycan tibb elminin tarixində ayrıca bir mərhələ təşkil etdiyini, elmi fəaliyyətinin çox zəngin və əhatəli olduğunu vurğuladı. Azərbaycanın əməkdar elm xadimi, parlaq alim və eyni zamanda həssas, qayğıkeş pedaqoq,

ətraflı...

[18.04.2012 ]
AZƏRBAYCAN GERÇƏKLİKLƏRİ DÜNYA DİLLƏRİNDƏ YAYILIR

Bu günlərdə Kitabxanın Qərb ədəbiyyatı şöbəsinin səyi ilə Almaniyanın Azərbaycandakı səfirliyi vasitəsilə bu ölkədə Azərbaycana dair dərc olunmuş kitablar əldə edilmişdir. Onları sizə təqdim edirik.
Ulbossin Aimbetova və Məqsəd Musabəyovun şərqşünas alim Yohannes Rau ilə birgə əməkdaşlığı sayəsində nəşr olunan «Bani: Heydər Əliyev insan və dövlət xadimi kimi» kitabı 2012-ci il Almaniyanın Frankfurt şəhərinin «Peter Lanq» nəşriyyatında işıq üzü görmüşdür. Əsər oxucuları Sovet elitasının görkəmli xadimi, müsəlman əsilli siyasətçi, müstəqil Azərbaycan Respublikasının banisi ilə tanış edir. Burada Heydər Əliyev şəxsiyyətinin nailiyyətləri, onun ideoloji-siyasi baxışları öz əksini tapmışdır. Həmçinin əsərin ərsəyə gəlməsi ilə bağlı gizli arxiv metarerillarından da istifadə olunmuşdur. Əsasən 1985-1990-cı illərdə Sovet İttifaqında və 1989-1993-cü illərdə Azərbaycanda baş verən proseslər və Heydər Əliyevin bu məsələlərdə rolu açıqlanmışdır.

Rolf Kunşun «Xocalı: Azərbaycana qarşı erməni təcavüzü», Rüdiqer Kipkenin «Erməni-Azərbaycan münasibətləri və Dağlıq Qarabağ münaqişəsi», Kerstin Plevenin «Qadın liderliyi», Ahmad Omid Yazdaninin «Alman-Azərbaycan türkcəsində sözlüyü» kitabları ilə ətraflıda tanış ola bilərsiniz

ətraflı...

[17.04.2012 ]
KITABXANAYA PROFESSOR ELMAN QULIYEVIN “TÜRK XALQLARI ƏDƏBIYYATI” KITABI DAXIL OLMUŞDUR

Kitabda ilk dəfə olaraq geniş şəkildə türk xalqları ədəbiyyatının (Türkiyə türk, özbək, türkmən, qazax, qırğız,tatar) yaradıcılıq mərhələləri, ayrı-ayrı görkəmli sənətkarlarının həyat və yaradıcılıqları tədqiq və təhlil olunmuşdur.Kitabdan mütəxəssislər və filologiya fakültəsinin tələbələri istifadə edə bilərlər.
Kitabın elmi redaktoru f.e.d,professor Himalay Qasımov, rəyçiləri akademik Bəkir Nəbiyev, AMEA-nın müxbir üzvü,f.e.d.,pr.Nizami Cəfərov, f.e.d.,pr. Gövhər Baxşəliyeva, f.e.d.,pr.Aydın Abıyev, fil.ü.f.d., dosent Arif Əmrahoğlu, fil.ü.f.d.,dosent Yaşar Rzayev, fil.ü.f.d Təranə Əzimovadır.
Qeyd edək ki, kitab Türkiyənin Azərbaycandakı fövqəladə və səlahiyyətli səfiri cənab Hulusi Kılıcın köməkliyi ilə ərsəyə gəlmişdir.

[17.04.2012 ]
MƏRKƏZİ ELMİ KİTABXANAYA YENİ DAXİL OLAN ƏDƏBİYYATIN SƏRGİSİ KEÇİRİLİR.SƏRGİ AYIN SONUNA KİMİ DAVAM EDƏCƏK

Kitabxanaya 650-dən artıq müxtəlif elm sahələri üzrə ədəbiyyat daxil olmuşdur. Kitablar Kitabxananın sərgi zalında nümayiş etdirilir. Onlardan bir neçəsi haqqında məlumatları diqqətinizə çatdırırq. Tarix bölməsində sərgilənən M.S.Nemətin “ Azərbaycanın Epiqrafik Abidələri Toplusu” kitabında Azərbaycanda bədii metalişləmə sənətinin müxtəlif növləri olan mis qabların, Azərbaycan muzeylərində və şəxsi kolleksiyalarda külli miqdarda saxlanılan mis əşyaların kitabələrlənin əlaqəsi haqda söhbət açılır. Qabların haşiyələrində, xonçalar içərisində kəlmələrdə işlənən hərflərin formasına uyğun bəzək motivləri təşkil olunması, həmçinin insan və müxtəlif heyvan təsvirlərinin, nəbati, həndəsi naxışlarla bəzədilməsi qanunauyğunluqlarından danışılır. Kitab tarixçilər, filosoflar, sənətşünaslar və geniş kütlə üçün nəzərdə tutulub. Nümayiş etdirilən kitablardan biri də Ziya Bünyadovun “Azərbaycan VII-IX əsrlərdə” kitabıdır ki,

Sərgi ilə tanış olmaq istəyənlər hər gün saat 10:00-dan 17:00-dək Kitabxananın sərgi zalına gələ bilərlər.

Ünvan: H.Cavid pr.31.AMEA MEK, III mərtəbə, sərgi zalı.

ətraflı...

[12.04.2012 ]
AKADEMİK MƏMMƏD CƏFƏR CƏFƏROVUN BİBLİOQRAFİYASI İŞIQ ÜZÜ GÖRDÜ

Görkəmli ədəbiyyatşünas alim, Dövlət Mükafatı laureatı, Əməkdar elm xadimi, filologiya elmləri doktoru, professor, akademik Məmməd Cəfər Zeynalabdin oğlu Cəfərovun biblioqrafıyası 1939-2010-cu illərdə Azərbaycan, rus və xarici dillərdə nəşr olunmuş kitab, monoqrafıya, dövri mətbuatda çıxan elmi-tənqidi və ədəbi-publisistik məqalələri əhatə edir. Biblioqrafıyada alimin həyat və fəliyyətini əks etdirən oçerk, həyatmıtı əsas tarixləri verilmişdir. "Azərbaycanm elm və mədəniyyət xadimləri Məmməd Cəfər Cəfərov haqqında" bölməsində görkəmli alimlər - Mirzə İbrahimov, Budaq Budaqov, Fuad Qasımzadə, Bəkir Nəbiyev, Kamal Talıbzadə, Bəxtiyar Vahabzadə, İsa Həbibbəyli, Abbas Zamanov, Əbülfəz Quliyev, Azadə Rüstəmova, İnqilab Kərimov, Əziz Mirəhmədov, Məhərrəm Cəfərli, Kamran Əliyev, Pənah Xəlilov, Yavuz Axundlu, Gülşən Əliyeva, Elçin, Qılman İlkin, Əzizə Cəfərzadə, Anarın akademik haqqında fikirləri öz əksini tapmışdır. "Əsərlərinin. biblioqrafıyası" bölməsində alimin kitabları, dərslikləri, bədii əsərləri, dövrü mətbuat və məcmuələrdə çıxan dəyərli elmi-publisistik məqalələri öz əksini tapmışdır. Həmçinin biblioqrafıyaya alimin redaktə etdiyi əsərlər, dissertantlara elmi rəhbərlik, həyat və yaradıcılığı haqqında ədəbiyyatı əks etdirən bölmələr də daxil edilmişdir.

<< Əvvəlki 1 2 3 4 5 6 7 8 9 10 Sonrakı>>