| ||||||||||||||||||||||||||||||||
| ||||||||||||||||||||||||||||||||
| ||||||||||||||||||||||||||||||||
| ||||||||||||||||||||||||||||||||
Azərbaycan Milli Elmlər Akademiyasının həqiqi üzvü, Azərbaycan Respublikası Prezidenti yanında Ali Attestasiya Komissiyasının sədri, Amerika Aeronavtika və Astronavtika İnstitutunun üzvü, Dövlət Mükafatı laureatı, fizika-riyaziyyat elmləri doktoru, akademik Arif Şəfaət oğlu Mehdiyevin əsərlərinin biblioqrafik göstəricisi 1960-2009-cu illərdə Azərbaycan, rus və xarici dillərdə nəşr edilmiş monoqrafiya, elmi sessiya, simpozium və konfrans materiallarında, dövri mətbuat səhifələrində dərc olunmuş məqalələrini əhatə edir. Biblioqrafiyaya daxil edilmiş materiallar xronoloji qaydada yerləşdirilmişdir. A.Ş.Mehdiyevin redaktə etdiyi əsərlər, ixtiralar və dissertantlara elmi rəhbərliyini əks etdirən bölmələr də vardır. Biblioqrafiyaya alimin həyatı, elmi-pedaqoji və təşkilatçılıq fəaliyyəti haqqında əks etdirən qısa oçerk, “Azərbaycanın görkəmli adamlar Arif Mehdiyev haqqında” bölümü, habelə həyatının əsas tarixləri verilmişdir. Biblioqrafiyadan istifadəni asanlaşdırmaq məqsədilə alimin əsərlərinin, müştərək müəlliflərin və haqqında yazan müəlliflərin əlifba göstəriciləri də öz əksini tapıb.
“Azərbaycan füzulişünaslığının qaynaqları” ümumən füzulişünaslığın ilk toplum nəşridir. Tərtibçi-müəllif filologiya elmləri namizədi, dosent G.Əliyeva-Kəngərli Azərbaycan füzuli-şünaslığının tarixi nəzəriyyəsi və mərhələləri istiqamətində doktorluq əsəri üzərində tədqiqat apararkən gələcək araşdırıcılar üçün belə bir məcmuəni yaratmağa ehtiyac duymuş, təzkirələrdən, XIX əsr marifçilərinin əsərlərindən, XX əsr alimlərinin ərəb əlifbası ilə əlyazma və çap materiallarından, “Füyuzat”, “Yeni yol”, Kommunist”, “Maarif və mədəniyyət” kimi mətbu orqanlarından, 1925-ci ildə ədəbi fəaliyyətinin 400 illiyi ilə bağlı “Füzuli” məcmuəsindən transliterasiya edərək müəyyən izahlarla çapa hazırlamışdır. Məcmuəyə əsasən çətin tapılan materiallar – F.B.Köçərli, A.Şur, B.Çobanzadə, İ.Hikmət, M.F.Körpülü kimi görkəmli ədəbiyyatşünasların pərakəndə halında olan əsərlərindən Füzuliyə dair hissələr daxil edilmişdir. Məcmuə füzulişünaslar, doktorant və aspirant-filoloqlar, ecazkar Füzuli sənətini və klasik irsi sevən oxucular üçün nəzərdə tutulmuşdur.
20 Yanvar faciəsindən 20 il ötür. Lakin o müsibətli günlərin şahidi olmuş xalq üçün yaddaşlarda elə təsirli izlər buraxmışdır ki, həmin qanlı hadisələrin açısını, haqq-ədalətin ayaqlar altında taptandığını unutmaq müşküldür. O qanlı günlər həm də nikbin bir façiə idi. Çünki məhz qanlı Yanvar hadisələri Azərbaycan xalqinin milli azadlıq hərəkatı tarixində yeni bir mərhələnin başlanmasina təkan verdi. Yanvarin 12-də AMEA Mərkəzi Elmi Kitabxanasında bu façiə ilə əlaqədar ədəbiyyat sərgisi keçirilmişdir. Sərgidə Rafiq Səməndərin “Şəhidlər”(2000), A.Qurbaninin “Nikbin façiə”(2002), “Qanli Yanvardan 15 il keçdi…”(2005), A.Balayev və R.Mirzənin “20 Yanvar hadisələri: Sənədlər, mövqelər, şərhlər”(2000), Q.Kəngərlinin “Qara Yanvar şəhidləri”(1992), M.Sadıxlının “Otvet tebe dast istoriya”(1995) və başqa əsərlər öz əksini tapmışdır. 2009-cu ildə nəşr olunmuş “Ulduzlar sönmür” kitabı AMEA-nın Mexanika-Riyaziyyat İnstitutunun şəhid olmuş aspiranti Yusif Sadıqovun ömür yoluna həsr olunmuşdur. Sərgidə Azərbayçan, rus və xarici dillərdə 50-dən yuxarı ədəbiyyat və Yanvar faciəsini özündə əks etdirən fotomateriallar nümayiş etdirilmişdir.
Azərbaycan ilə Almaniya arasında siyasi igtisadi və elmi – mədəni əməkdaşlığın səviyyəsi durmadan yüksəlir. Avropanın ən nüfuzlu və qüdrətli dövlətlərindən biri olan Almaniya ilə əməkdaşlıq Azərbaycanda aparılan sosial, iqtisadi islahatların daha da genişləndirilməsində və ölkəmizin regionun qüdrətli dövlətinə çevrilməsi prosesində mühüm rol oynayır. İki ölkə arasında bütün sahələrdə də əməkdaşlıq uğurla inkişaf edir. Bu dövlətlər arasında mədəniyyət və elm sahəsində mövcud olan əlaqələrin daha da möhkəmləndirilməsi ücün atılan bütün addımlar təqdirəlayiqdir. Buna nümunə dekabr ayının 3-də AMEA MEK-in Almaniya səfirliyi ilə birgə “Alman dilli ədəbiyyat üzrə Nobel mükafatçıları – 1945-ci ildən sonra” mövzusunda keçirdiyi kitab və fotoşəkil sərgisidir.
11 noyabr 2009-cu il tarixdə AMEA-nın Rəyasət Heyətində Azərbaycan Milli Elmlər Akademiyasının həqiqi üzvü, Əməkdar elm xadimi, filologiya elmləri doktoru, professor İsa Həbibbəylinin 60 illiyinə həsr olunmuş konfrans keçirilmişdir. Alimin yubileyi ilə əlaqədar AMEA Mərkəzi Elmi Kitabxanası tərəfindən sərgi təşkil olunmuşdur. Sərgidə alimin ədəbiyyatımızın və ictimai fikrimizin tədqiqi və təhlilinə həsr olunmuş 30 – dan yuxarı kitab və məqalələri, «Məmməd Araz» (1993), «Ustad Məhəmmədhüseyn Şəhriyar» (1999), «Cəlil Məmmədquluzadə mühiti və müasirləri» (1997), «Ədəbiyyat və mətbuat cəbhəsində» (2006), «Ədəbi-tarixi yaddaş və müasirlik» (2007) və s. əsərləri nümayiş etdirilmişdir. Ayrıca bölmədə həyat və yaradıcılığını əks etdirən ədəbiyyat və fotomateriallar yerləşdirilmişdir. İştirakçılara ənənəvi sərgi ilə bərabər virtual sərgi də təqdim olunmuşdur. 
AMEA Rəyasət Heyətinin qərarı ilə AMEA Mərkəzi Elmi Kitabxanasının əməkdaşları tərəfindən hazırlanan Azərbaycan Milli Elmlər Akademiyasının həqiqi üzvü, Azərbaycan Respublikası Prezident Administrasiyasının rəhbəri, Nyu-York Elmlər Akademiyasının üzvü, Azərbaycan Fəlsəfə və Sosial-Siyasi Elmlər Assosiasiyasının prezidenti, Həqiqi Dövlət Müşaviri, Beynəlxalq Sülh Mükafatı laureatı, fəlsəfə elmləri doktoru, akademik Ramiz Ənvər oğlu Mehdiyevin əsərlərinin biblioqrafiyası işıq üzü görmüşdür. Biblioqrafiya 1964-2009-cu illəri əhatə edir və kitaba alimin həmin illərdə Azərbaycan, rus, ingilis, türk və digər xarici dillərdə çap olunmuş kitabları, elmi konqres, sessiya və konfrans materiallarında və dövrü mətbuatda dərc edilmiş elmi-publisistik məqalələri, çıxışları və müsahibələri daxil edilmişdir. Eyni zamanda, Azərbaycanın bir çox tanınmış dövlət, elm və mədəniyyət xadimlərinin akademik Ramiz Mehdiyev barədə söylədikləri fikirlər kitabda öz əksini tapmışdır. 
Aprel ayının 8-də Mərkəzi Elmi Kitabxanada Elmi Şuranın geniş iclası keçirilib. İclasda cari məsələlərlə yanaşı, yeni yaradılmış bir neçə şöbənin perspektiv fəaliyyəti müzakirə olunub, sözügedən şöbələrdə müvafiq vəzifələrin bölgüsü, kadr təminatı həyata keçirilib. Məlumat üçün bildirək ki, Rəyasət Heyətinin müvafiq sərəncamına uyğun olaraq Mərkəzi Elmi Kitabxanada bir müddət əvvəl struktura yenidən baxılaraq bir neçə il bundan öncə qurulan "Azərbaycanşünaslıq" bazası əsasında eyniadlı şöbə yaradılıb.
|
|
|
|
| ||||||||||||||||||||||||||||||||||||||||||||||||||
 Exsklüziv |
AMEA Mərkəzi Elmi Kitabxanasının portalı “World Summit Award-2007” müsabiqəsinin "Elektron elm" nominasiyası üzrə qalibi elan olunub 
----------------------------------------
Ölkəmizdə kitabxana işinin inkişaf strategiyası
Bu günlərdə respublika Prezidenti cənab İlham Əliyevin imzaladığı “Azərbaycanda kitabxanaların fəaliyyətinin yaxşılaşdırılması haqqında” sərəncamı Azərbaycan kitabxana ictimaiyyəti tərəfindən böyük razılıq hissi ilə qarşılanmışdır. ətraflı ---------------------------------------- 
Yeni dövrün kitabxanası: günün tələbi və görülən işlər
Kitaba, mütaliəyə, informasiya almağa marağı olan hər bir şəxs, heç şübhəsiz ki, internetlə təmin olunmuş və kifayət qədər operativ xidmət göstərən informasiya mərkəzinə-kitabxanaya daim ehtiyac duyur. ətraflı ----------------------------------------  Kitablarımız İstanbul kitab sərgisində Kitabın bəşər övladına bəxş etdiyi yüksək mənəvi - əxlaqi, ictimai, elmi töhfələri saysız-hesabsızdır. Yüksək kulturoloji əhəmiyyət kəsb edən kitab maddi-mənəvi sərvət kimi xalqın, millətin potensialını üzə çıxarır, tariximizi yaşadır. ətraflı ----------------------------------------  Dünyanın 10 ən oxunan kitabı Ginnes rekordlar kitabının mütəxəssisləri bütün dövrlərin və xalqların 10 ən populyar kitabının siyahısını hazırlayıblar. Kitab nəşri başlayan dövrdən bəri Bibliya dünyada ən çox dərc olunan kitab sayılır. Bu günə kimi Bibliya kitabının ümumi tirajı 6 milyard nüsxəni keçib ətraflı ----------------------------------------  Ən sakit peşə sahibi kitabxanaçıdır İngiltərənin Mançestr Universitetinin alimləri hansı peşə sahibinin stresə daha çox məruz qaldığını 10 ballıq şkala dərəcəsində yoxlamışlar. Məlum olmuşdur ki, ən çox stres şaxtaçılarda (8,3 bal), polislərdə (7,7 bal), inşaatçı və jurnalistlərdə (7,5 bal), diş həkimlərində (7,3 bal) təsadüf edilir. Ən sakit peşə sahibi kitabxanaçılar və muzey işçiləri (2,8 bal) sayılır ---------------------------------------- © 2004-2008 | AMEA Mərkəzi Elmi Kitabxanası | Bütün hüquqlar qorunur | E-mail:mail@csl-az.com | Saytın materiallarından istifadə edərkən hiperisnad mütləqdir
|
